سعودی عرب میں پہلے فلم فیسٹول کا آغاز ہوگیا ہے جو 10 روز تک جاری رہے گا۔

سعودی عرب کے شہر جدہ میں پہلے فلم فیسٹول کا آغاز ہوگیا ہے۔

غیر ملکی خبر رساں ادارے کے مطابق فلم فیسٹول میں ملکی و غیر ملکی نامور فنکار شرکت کر رہے ہیں۔

فلمی میلے میں 67 ممالک کی 138 دستاویزی فلمیں 30 سے زائد زبانوں میں پیش کی جائیں گی۔

اس فیسٹول کی افتتاحی تقریب میں شرکاء کا کہنا تھا کہ سعودی عرب میں سینیما کی بحالی ایک مثبت قدم ہے جس کی جتنی پذیرائی کی جائے کم ہے۔

سال 2030ء تک سعودی عرب کی انٹرٹینمنٹ انڈسٹری میں 950 ملین ڈالر منافع بخش کاروبار ہونے کی توقع ہے۔