صوبائی وزیر صنعت و تجارت میاں اسلم اقبال نے کہا ہے کہ عوام کو بہتر سہولیات کی فراہمی یقینی بنائی جا رہی ہے۔

میاں اسلم اقبال نے پکی ٹھٹھہی میں گیس پائپ لائن منصوبے کا افتتاح کر دیا، منصوبے کے تحت 7 ہزار میٹر بوسیدہ پائپ لائن تبدیل کی جائے گی، پائپ لائن کی تبدیلی سے گیس پریشر بہتر ہوگا، منصوبے کی تکمیل سے سات ہزار سے زائد گھروں کو فائدہ ہوگا۔

صوبائی وزیر صنعت و تجارت کا کہنا تھا کہ عوام کو بہتر شہری سہولیات کی فراہمی یقینی بنائی جارہی ہے، صوبائی حلقہ 151 میں کروڑوں روپے کی لاگت سے متعدد فلاحی منصوبے مکمل کئے گئے ہیں۔

انہوں نے کہا کہ عوام کو بنیادی سہولیات کی فراہمی کی کئی سکیموں پر کام جاری ہے، پکی ٹھٹھہی میں بوسیدہ پائپ لائنوں کی تبدیلی سے اہل علاقہ کا دیرینہ مسئلہ حل کر دیا۔

صوبائی وزیر صنعت و تجارت میاں اسلم اقبال کا مزید کہنا تھا کہ میری ٹیم کی شب و روز کی محنت کے ثمرات سامنے آرہے ہیں۔

اہل علاقہ نے دیرینہ مسئلہ حل کرنے پر صوبائی وزیر سے اظہارِ تشکر کیا۔