بالی ووڈ کی اداکارہ کترینہ کیف اور وکی کوشل کی شادی کے ہوٹل کے ایک دن کے کرائے کی رقم جان کر مداح حیران رہ گئے۔

غیر ملکی خبر رساں ادارے کے مطابق راجستھان کے سوائی مدھوپور میں واقع ’سِکس سینس فورٹ بروارا‘ میں کترینہ کیف اور وکی کوشل کی شادی کی تیاریاں شروع ہوگئی ہیں۔

کترینہ اور وکی کوشل کی شادی کے لیے راجستھان کے مہنگے ترین ریزورٹ میں سُوٹ بُک کروایا گیا ہے اور اس سُوٹ کا ایک دن کا کرایہ 7 لاکھ بھارتی وپے ہے۔

اداکارہ کترینہ کیف اور وکی کوشل کی شادی کے لیے پرتعیش ہوٹل بھی بُک کرلیا گیا ہے۔

پرتعیش ہوٹل میں اس جوڑی کے اہلخانہ سمیت قریبی دوست 6 سے 11 دسمبر تک قیام کریں گے۔

خیال رہے کہ کترینہ کیف اور وکی کوشل کی شادی کے تقریبات سے قبل ہی ہوٹل کی سیکیورٹی سخت کردی گئی ہے۔

 یاد رہے کہ کترینہ کیف اور اداکار وکی کوشل کی شادی کے لیے فائیو اسٹار لگژری ہیریٹیج ہوٹل سکس سینسز کی بکنگ کرو الی گئی ہے۔اداکارہ کترینہ کیف اور وکی کوشل کی 7سے 9 دسمبر کے درمیان شادی کی تقریبات کے لیے فائیو اسٹار لگژری ہیریٹیج ہوٹل سکس سینسز کی بکنگ کروائی گئی ہے۔

کترینہ کیف اور وکی کوشل کی شادی میں مدعو کیے گئے مہمانوں کے لیے راجھستان کے تقریباََ 45 سے زائدہوٹل بک کیے گئےہیں۔

تاہم مذکورہ تاریخوں میں ہوٹل کسی بھی دوسری بکنگ سے انکار کر رہے ہیں کیونکہ اس دوران بہت سے نامور بالی ووڈ اداکاروں کےوہاں آنے کی توقع ہے۔

اس کے علاوہ  اداکارہ کترینہ اور وکی کی شادی کے مہمانوں کی فہرست میں بالی ووڈ نگری کے کئی بڑے نام شامل ہیں۔

اب تک کی اطلاعات میں کرن جوہر، علی عباس ظفر، کبیر خان، منی ماتھر، روہت شیٹی، سدھارتھ ملہوترا، کائرہ اڈوانی، ورون دھون، نتاشا دلال، اور دیگر کے نام سامنےآئے ہیں۔

 رپورٹس میں بتایا گیا کہ کترینہ اور وکی کی شادی کی تقریبات 7 سے 12 دسمبر تک منعقد ہوں گی۔

واضح رہے کہ بالی وڈ کی یہ خوبصورت جوڑی آئندہ ماہ دسمبر میں شادی کے بندھن میں بندھنے جارہی ہے اور 7 سے 12 دسمبر تک ان کی شادی کی تقریبات منعقد کی جائیں گی جبکہ شادی کے لیے ہوٹل میں بکنگ بھی کرلی گئی ہے اور شادی کی مرکزی تقریب جانا محل میں منعقد ہوگی۔