حال ہی میں ٹک ٹاک کے ناظرین کے حساب سے گوگل کو پیچھے چھوڑ دیا تھا اور 2022 کا یہ بلند رحجان اب بھی جاری ہے۔

تازہ خبر یہ ہے کہ یورپ اور امریکا میں کرسمس اور چھٹیوں کے باوجود لوگوں نے ٹک ٹاک سے منہ نہیں موڑا اور یہ ایپ اب بھی سب سے زیادہ ڈاؤن لوڈ اور استعمال ہونے والی ایپس میں اول نمبر پر براجمان ہے۔

عین کرسمس والے روز بھی ٹک ٹاک پہلے، انسٹاگرام دوسرے اور فیس بک ایپ تیسرے نمبر بر تھی۔ حیرت انگیز بات یہ ہے کہ سوشل میڈیا ایپس کی اس دوڑ میں جنوب مشرقی ایشیا میں ای کامرس کی ایک ابھرتی ہوئی ایپ شوپی نے حیرت انگیز ترقی کی اوراب عالمی چارٹ میں آٹھویں نمبر پر ہے۔

بادشاہ کا دوست بھی بادشاہ کے مصداق ٹک ٹاک ویڈیو کو ایڈٹ کرنے والی ایپ کیپ کٹ کو بھی پر لگے اور وہ اس وقت دسویں سب سے زیادہ ڈاؤن لوڈ ہونے والی ایپ ہے۔ تجزیہ کاروں کے مطابق 2022 کے کسی ابتدائی سہ ماہی میں ٹک ٹاک استعمال کرنے والے صارفین کی تعداد ڈیڑھ کروڑ تک جاپہنچے گی۔

اس کی وجہ یہ ہے کہ یہ ایپ نوعمر اور جوانوں میں مقبول ہے جو مختصر ویڈیو بنانے میں دلچسپی رکھتے ہیں۔ اس کے توڑ کے لیے یوٹیوب نے نہ صرف شارٹس کے عنوان سے فیچر پیش کیا اور اسے کامیاب بنانے کے لیے لاکھوں نہیں کروڑوں ڈالر کی فنڈنگ بھی رکھی ہے۔ لیکن شارٹس اب بھی اس دوڑ میں بہت بہت پیچھے ہے۔

لیکن ٹھہریئے فیس بک کی مرکزی کمپنی میٹا کی جانب سے میٹاورس اور ورچول ریئلٹی میں تازہ شاندار تجربات کے بعد اس کا گراف تیزی سے بڑھ رہا ہے۔