پاکستان سپر لیگ(پی ایس ایل) کے ساتویں ایڈیشن میں کئی ملکی اور غیر ملکی نامور کھلاڑی جگہ نہ بنا سکے۔

تفصیلات کے مطابق محمد عرفان، احمد شہزاد کرس گیل بین ڈنک کولن انگرم سمیت دیگر کھلاڑی پی ایس ایل 7 کی دوڈ سے باہر ہو گئے ہیں۔

جنید خان اور امام الحق بھی پی ایس ایل 7 میں جگہ نہ بنا سکے۔

پی ایس ایل 7 کا آغاز 27 جنوری سے ہوگا،ایونٹ کے 15 میچز کراچی جبکہ 19 میچز لاہور میں کھیلے جائیں گے۔

لیگ کا افتتاحی میچ ملتان سلطانز اور کراچی کنگز کے مابین کھیلا جائے گا جبکہ 28 جنوری کو کوئٹہ گلیڈی ایٹرز اور پشاور زلمی مدمقابل آئیں گی۔

کوالیفائر 23 فروری جبکہ پہلا اور دوسرا ایلیمنٹر بالترتیب 24 اور 25 فروری کو کھیلا جائے گا جبکہ ایونٹ کا فائنل 27 فروری کو کھیلا جائے گا۔