کراچی میں ڈکیت نجی بینکوں سے رقم نکلوانے والوں کا تعاقب کرکے گھروں اور دفاتر تک پیچھا کرکے لوٹ مار کرنے لگے۔

فیروز آباد میں ایک اور شہری کو اسلحے کے زور پر مسلح ڈاکوٶں کی جانب سے لوٹ لیا گیا۔

شہری نجی بینک سے کمپنی کے 34 لاکھ روپے رقم نکلوا کر واپس اپنے دفتر کو لوٹا تھا، دفتر کے قریب پہنچتے ہی مسلح چار رکنی ڈکیت گروہ نے ڈکیتی واردات کی اور فرار ہوگئے

بدھ کی دوپہر ہونے والی واردات کی سی سی ٹی وی فوٹیج بول نیوز کو موصول ہوئی جس میں دیکھا جاسکتا ہے کہ مسلح ڈکیتیوں نے پولیس کو چکمہ دینے کے لیے اسکول بیگ بھی پہن رکھے تھے۔

متاثرہ شہری نے واقعے کے حوالے سے فیروزآباد پولیس حکام کو آگاہ کردیا ہے۔

دوسری جانب بلدیہ دو نمبر سوات ہوٹل کے قریب فائرنگ سے ایک شخص زخمی ہوگیا۔

پولیس ذرائع کے مطابق زخمی شخص 30 سالہ احمد رضا کو سول اسپتال منتقل کیا گیا ہے، فائرنگ کا واقعہ ڈکیتی کے دوران مزاحمت پرپیش آیا۔

علاوہ ازیں گلشن معمار جنجال گوٹھ میں بھی فائرنگ سے ایک شخص زخمی ہوگیا۔

پولیس حکام کے مطابق فائرنگ کا واقعہ دوران ڈکیتی مزاحمت کرنے کے باعث پیش آیا ، زخمی 55 سالہ نہال خان کو عباسی شہید اسپتال منتقل کیا گیا ۔