برطانوی کمپنی نے لگ بھگ 1496 ری سائیکل شدہ واشنگ مشین کو اوپر تلے رکھ کر ایک اہرام بنایا ہے ۔ اس اہرام کی بلندی 44 فٹ اور سات انچ نوٹ کی گئی ہے۔

برطانیہ میں برقی آلات فروخت کرنے والی کمپنی نے عوام میں برقی آلات کی ری سائیکلنگ سے آگہی کے لیے یہ ریکارڈ بنایا ہے۔ اس کمپنی کا نام کری ہے جس کے مطابق تمام سہولیات کے باوجود 68 فیصد برطانوی افراد نہیں جانتے کہ کوڑا کرکٹ میں پھینکی جانے والی کونسی برقی اشیا ری سائیکل کی جاسکتی ہے۔

کری نے کہا کہ اسے بنانے کا مقصد لوگوں کو یہ پیغام دینا تھا کہ وہ کچرے کے بڑے ڈھیر(لینڈ فل) کو نہ بڑھائیں بلکہ پرانی اشیا کو نئی زندگی دیں۔ واضح رہے کہ دنیا بھر میں برقی اشیا کا کچرا یعنی ای ویسٹ تیزی سےبڑھ رہا ہے اور یوں ماحول کے لیے نقصاندہ ثابت ہورہا ہے۔

کمپنی نے اس مہم کے لیے 1496 پرانی واشنگ مشینوں کو درست کرکے ری سائیکل کیا ہے اور انہیں بہت احتیاط سے ساڑھےتیرہ میٹریعنی 44 فٹ بلند اہرام نما مینار تعمیر کیا ہے۔ واشنگ مشینوں کو ایک پر ایک کرکے رکھا گیا اور انہیں کسی تار یا رسی سے نہیں جوڑا کیا گیا ہے۔