وزارت ریلوے کے نوٹیفکیشن کے مطابق ریلوے کے مختلف دفاتر کے اوقات کار تبدیل کر دیئے گئے ہیں۔

تفصیلات کے مطابق ریلوے ہیڈکوارٹر آفس لاہور، ریلوے والٹن اکیڈمی، پراکس، ریل کاپ اور پی آر ایف ٹی سی کے دفاتر اب ہفتے میں5 روز کام کریں گے۔

ریلوے کے مختلف دفاتر پیرسے لے کرجمعہ تک صبح 9 بجے سے شام 5 بجے تک کھلے رہیں گے جبکہ جمعہ کے روز ساڑھے بارہ بجے سے لے کر دوپہر 2بجے تک کھانے اور جمعہ کی نماز کا وقفہ ہوگا۔

ریلوے کے دوسرے دفاترجن میں تمام آپریٹنگ ڈویژنز، ورکشاپس ڈویژن ، فیکٹریزاور ان سے متعلقہ دفاتر ہیں وہ ہفتے میں 6 روزا پنے معمول کے مطابق  کام جاری رکھیں گے ، اس فیصلے کا اطلاق فوری ہوگا۔