فیصل آباد کے علاقے باوا چک میں خواتین کی نازیبا ویڈیو وائرل کرنے اور تشدد کرنے والے ملزمان کو عدالت پیش نہ کیا گیا۔

تفصیلات کے مطابق پولیس ذرائع کا کہنا ہے کہ انوسٹیگیشن انچارج اکبر نے مثل پیش کر کے 14 دن کے ریمانڈ کی استدعا کی، علاقہ مجسٹریٹ قمر عباس نے 3 دن کا ریمانڈ منظور کرلیا۔

ذرائع کا کہنا ہے کہ پولیس نے سیکورٹی اور میڈیا کے بہانہ بنا کر ملزمان کو عدالت پیش نہ کیا۔

قانون کے مطابق ملزمان کی گرفتاری کے بعد ان کو 24 گھنٹے میں عدالت پیش کرنا ہوتا ہے۔

یاد رہے کہ خواتین کی نازیبا ویڈیو وائرل کرنے کے الزام میں 5 ملزمان کو پولیس نے گرفتار کر رکھا ہے۔