چیئرمین نیب کی تقرری کے لیے حکومت کی جانب سے ‏نام تجویز کرنے کی تردید کر دی گئی۔

وفاقی وزیر اطلاعات و نشریات فواد چوہدری نے اس حوالے سے جاری کردہ اپنی ٹوئٹ میں بتایاکہ چیئرمین نیب کے عہدے کیلئے تحریک انصاف نے کوئی نام تجویز نہیں کیا۔

فواد چوہدری نے مزید کہاکہ اس حوالے سے میڈیا پر خبریں درست نہیں ہیں، آنے والے دنوں میں مشاورت کے بعد اس ضمن میں ناموں کا فیصلہ کیا جائیگا۔

چئرمین نیب کے عہدے کیلئے تحریک انصاف نے کوئ نام تجویز نہی کیا اس حوالے سے میڈیا پر خبریں درست نہیں ہیں، آنے والے دنوں میں مشاورت کے بعد اس ضمن میں ناموں کا فیصلہ کیا جائیگا۔

Advertisement

— Ch Fawad Hussain (@fawadchaudhry) December 27, 2021

چیئرمین نیب کیلئے اپوزیشن جماعتیں مجوزہ ناموں پر تاحال متفق نہ ہوسکیں

چیئرمین نیب کی تعیناتی کے لئے اپوزیشن جماعتوں کی اسٹیرنگ کمیٹی اب تک مجوزہ ناموں پر اتفاق نہیں کرسکی ہے۔

بول نیوز کے مطابق چیئرمین نیب کے لئے پیپلز پارٹی،جے یو آئی ف اور ن لیگ نے اپنے اپنے مجوزہ نام اپوزیشن کی اسٹیرنگ کمیٹی میں پیش کردیے ہیں۔

جے یو آئی (ف) نے چیئرمین نیب کے لیے سابق چیف جسٹس پشاور ہائی کورٹ جسٹس (ر) دوست محمد خان کا نام تجویز کیا ہے۔

مسلم لیگ (ن) نے سابق چیف جسٹس پاکستان آصف سعید کھوسہ کے بھائی ناصر سعید کھوسہ، سلمان صدیق اور عرفان قادر کے نام پیش کئے ہیں۔

چیئرمین نیب کی تقرری؛ اپوزیشن اختلافات کا شکار

پیپلز پارٹی نے سابق سیکریٹری خارجہ جلیل عباس جیلانی کا نام سامنے لے آئی ہے اس کے علاوہ پارٹی نے ایک سابق جج کا نام بھی تجویز کر رکھا ہے۔

اپوزیشن نے 3 ناموں پر اتفاق کے لیے اسٹیرنگ کمیٹی تشکیل دی ہے لیکن یہ کمیٹی ابھی تک 3 ناموں پر اتفاق نہیں کرسکی۔

اپوزیشن قومی اسمبلی کے رواں اجلاس کے دوران دوبارہ چیئرمین نیب کے ناموں پر مشاورت کرے گی۔