اسسٹنٹ کمشنر جھنگ عمران جعفر کو ان کے آبائی گاؤں میں قتل کر دیا گیا۔

پولیس کا کہنا ہےکہ اسسٹنٹ کمشنر عمران جعفر اپنے آبائی گاؤں چک نمبر 237 چنیوٹ گئے ہوئے تھے، تلخ کلامی پر رشتہ داروں نے فائرنگ کر کے عمران جعفر کو قتل کر دیا۔

 وقوعہ کی اطلاع ملتے ہی چنیوٹ پولیس موقع پر پہنچ گئی۔

ذرائع کے مطابق عمران جعفر کچھ ماہ قبل ہی بطور اے سی جھنگ تعینات ہوئے تھے۔

 مقتول اسسٹنٹ کمشنر عمران جعفر کا اپنے چچا زاد بھائیوں کیساتھ سیوریج نالی کے معاملے پر تنازع چل رہا تھا، عمران جعفر کو مبینہ طور پران کے کزن سہیل وربھو اور دیگر نے فائرنگ کر کے قتل کیا۔