آرمی چیف جنرل قمر جاوید باجوہ نے اسپیکر پنجاب اسمبلی چودھری پرویزالہٰی کو ٹیلیفون کیا اور ان سے  چودھری شجاعت حسین کی خیریت دریافت کی۔

چیف آف آرمی اسٹاف نے چودھری شجاعت کی جلد صحت یابی کی دعا کرتے ہوئے کہا کہ اللہ تعالیٰ سے دعا ہے کہ وہ چودھری شجاعت حسین کو جلد مکمل صحت یابی عطا فرمائے۔

دوسری جانب سابق وزیراعظم میاں نوازشریف اور سابق وزیر خزانہ اسحاق ڈار نے بھی چودھری پرویز الہٰی سے ٹیلیفونک رابطہ کیا۔

میاں نواز شریف نے چودھری شجاعت حسین کی خیریت دریافت کی اور ان کے لیے نیک خواہشات کا اظہار کیا۔
نوز شریف نے پرویز الہٰی سے کہا کہ آپ اور شجاعت صاحب جب بھی لندن آئیں تو ملاقات ضرور کریں۔

نوازشریف نے چودھری شجاعت حسین اور چودھری پرویزالٰہی کا شکریہ ادا کیا۔+