مسلم لیگ (ن) کی نائب صدر مریم نواز کا کہنا ہے کہ تبدیلی آنہیں رہی، تبدیلی جا رہی ہے، وہ بھی رسوائی، بدنامی اور کروڑوں بد دُعائیں سمیٹ کر۔

ٹوئٹر پر جاری اپنے پیغام میں مریم نواز نے لکھا کہ 22 کروڑ کے ملک کو مہنگائی ، لاقانونیت اور نااہلی کی دلدل میں دھکیل کر وہ جا رہی ہے تبدیلی۔

تبدیلی آ نہیں رہی، تبدیلی جا رہی ہے! وہ بھی رسوائی، بدنامی اور کڑوڑوں بددعائیں سمیٹ کر ! ۲۲ کڑوڑ کے ملک کو مہنگائی، لاقانونیت، نالائقی اور نااہلی کی دلدل میں دھکیل کر۔ ہر شعبہ میں بدترین اور تاریخی ناکامی کے انمٹ داغ اپنے ماتھے پر سجا کر وہ جا رہی ہے تبدیلی!

— Maryam Nawaz Sharif (@MaryamNSharif) December 20, 2021

مریم نواز نے کہا کہ ہر شعبے میں بد ترین اور تاریخی ناکامی کے انمٹ داغ اپنے ماتھے پر سجا کر وہ جا رہی ہے تبدیلی۔

خیال رہے کہ مریم نواز گزشتہ کچھ دنوں سے اپنے بیٹے جنید صفدر کی شادی کی تقریبات میں مصروف تھیں اور انہوں نے سیاست سے کچھ وقت کے لیے کنارہ کشی اختیار کی ہوئی تھی۔

مذکورہ ٹوئٹ 16 دسمبر کے بعد ان کا پہلا پیغام ہے جو انہوں نے پی ٹی آئی حکومت کے نام جاری کیا ہے۔