انگلینڈ میں کورونا کے باعث بلائنڈ کرکٹ کو دوبارہ فعال بنانے کی کوشش شروع ہو گئی ہے۔

گزشتہ سال عالمی وبا کورونا کے باعث انگلینڈ میں منعقد بلائنڈ ایشز سیریز اور بلائنڈ ورلڈ کے موخر ہونے کے بعد یہ پہلا موقع ہے کہ جب کرکٹ بورڈ بصارت سے محروم کرکٹرز کو دوبارہ کھیلنے کا موقع فراہم کر رہا ہے۔

اس سلسلے میں انگلینڈ می دو دن کے ٹریننگ سیشن کا آغاز کر دیا گیا ہے ۔ اور بصارت سے محروم کھلاڑی پریکٹس کر رہے ہیں۔

بصارت سے محروم 41 سالہ کرکٹر فائے نے ٹریننگ سیشن کے موقع پر کہا کہ ڈیڑھ سال کی مدت کے بعد کرکٹ کا آغاز کیا ہے ، کرکٹ سے دوری کے بعد ہم سب کھلاڑی سہل پسندی کا شکار ہو گئے تھے۔ کیمپ میں جسمانی ورزش سے کافی فائدہ ہو گا۔

فائے کا مزید کہنا تھا کہ اب ہمارا جسم ہر قسم کی ورزش کے لئے تیار ہو چکا ہے جس سے ہماری کرکٹ بھی امپروو ہو گی۔

فائے نے کہا کہ ٹیم کی نظریں 2023 کے ورلڈ کپ لگی ہیں جس کی تیاری کی جارہی ہے۔ چار سال قبل انڈیا میں میچ کے دوران ہماری رننگ کافی خراب تھی جس سے ہماری ٹیم کو شکست کا بھی سامنا کرنا پڑا، ہم اس خامی پر قابو پانے کی کوشش کر رہے ہیں اور مزید بہتر نتائج سامنے آئیں گے۔