محمد زبیر نے کہا کہ کیا پیپلز پارٹی اس بل سے کراچی کو لاہور جیسا بنا دے گی ؟

ترجمان نواز شریف و مریم نواز محمد زبیر نے ایم کیو ایم پاکستان کے زیر اہتمام آل مقامی ہوٹل میں آل پارٹیز کانفرنس سے خطاب کرتے ہوئے کہا کہ ن لیگ کی سیاست ملک میں امن و امان کی صورتحال بہتر کرنا ہے۔

انہوں نے کہا کہ کاروبار کے لیے سہولیات اور انفراسٹرکچر دیں تو ملک سے ایکسپورٹ بڑھے گی ، گرین لائن منصوبہ ہمارا ہے ، انفراسٹرکچر موٹر ویز کے بغیر ترقی ممکن نہیں ، پیپلز پارٹی بتائے کہ بلدیاتی بل سے یہ کراچی کو ترقی دلائیں گے تو کم سپورٹ کرینگے۔

محمد زبیر نے کہا کہ کیا پیپلز پارٹی کراچی کو لاہور جیسا بنا دے گی اس بل سے؟ ن لیگ مکمل سپورٹ کرے گی لیکن ان سے ایسا نہیں ہونا ہے ، کراچی کے اور اندرون سندھ کے اپنے مسائل ہیں ، سانگھڑ اور لاڑکانہ میں ترقی نہیں ہوئی۔

ترجمان نواز شریف و مریم نواز محمد زبیر نے کہا کہ سندھ کو اتنے مالی وسائل ملنے کے بعد بھی سندھ میں ترقی نہیں ہوسکی ، سندھ حکومت نے کچھ بھی ڈلیور نہیں کیا۔