تھر کے اسپتالوں میں ڈاکٹرز کی کمی پورا کرنے سے متعلق بڑا فیصلہ  کیا گیا ہے۔

وزیراعلیٰ سندھ کی ہدایت پر تھر میں ڈاکٹروں کی قلت ختم کرنے کے لیے 36 ڈاکٹروں کو تعینات کردیا گیا ہے۔

تھر کے دور دراز اسپتالوں میں ڈاکٹروں کی تعیناتی کردی گئی ہے۔

اس کے علاوہ پہلے سے تعینات اور ڈیوٹی نہ کرنے والے ڈاکٹروں کو رپورٹ کرادیا گیا ہے۔

ذرائع کے مطابق مسلسل ڈیوٹی سے غیر حاضر ڈاکٹروں کو نوکری سے فارغ کرنے کی تیاری کی گئی ہے۔

تھر کے اسپتالوں میں ڈاکٹرز اور عملے کی کمی سے متعلق وزیراعلیٰ سندھ کو شکایات ملی تھیں۔

تھرپارکر : دیہی علاقوں میں موجود میڈیکل ڈسپنسریز غیر فعال

یاد رہے محکمہ صحت کی جانب سے دیہی علاقوں میں سہولیات کے لئے دی گئیں میڈیکل ڈسپنسریز مکمل طور پر غیرفعال ہوچکی ہیں، ان کا کوئی پرسان حال نہیں ہے۔

تھرپارکر مٹھی کے گاؤں  ہوتھیئر میں قائم میڈیکل ڈسپنسری میں ڈاکٹرز اور عملہ غائب ہے جبکہ تھرپار کر ڈیوٹی  ڈاکٹر گزشتہ ایک سال سے غائب ہے۔

میڈیکل ڈسپنسری میں ڈاکٹرز کی عدم موجودگی کی وجہ سے مریضوں کو شدید مشکلات کا سامنا کرنا پڑتا ہے ۔

اہل علاقہ تھرپارکر کا کہنا ہے کہ ہم کو بخار کے علاج کے لئے بھی مٹھی جانا پڑتا ہے، اسپتال میں صرف چوکیدار موجود  ہے اس کےعلاوہ کوئی عملہ حاضر نہیں ہوتا۔

تھرپارکر کے عوام نے اس مسئلہ کے حل کے لئے صوبائی وزیر صحت عذرا پیچوہو  سے نوٹس لینے کا مطالبہ بھی کیا تھا۔