پشاور: بلدیاتی انتخابات کے باعث وزیرِ اعلیٰ سیکریٹیریٹ میں ایمرجنسی کنٹرول روم قائم کردیا گیا۔ اس سلسلے میں وزیرِ اعلیٰ سیکریٹیریٹ کی جانب سے باقاعدہ اعلامیہ جاری کردیا گیا۔

اعلامیے کے مطابق مذکورہ ایمرجنسی کنٹرول روم 17 دسمبر سے 20 دسمبر 2021 تک کام کرے گا اور بلدیاتی انتخابات سے متعلق تمام سرگرمیوں، معلومات اور ہنگامی صورتحال کے بارے میں متعلقہ شراکت داروں کے ساتھ قریبی روابط میں رہے گا۔

کنٹرول روم کسی بھی ناخوشگوار واقعے کے تدارک کے لئے انتخابات کے اختتام تک تمام تر ضروری معلومات بروقت وزیر اعلیٰ کو فراہم کرے گا۔

وزیرِ اعلیٰ سیکریٹیریٹ کے ڈپٹی سیکریٹری جمال الدین ایمرجنسی کنٹرول روم کے انچارج اور فوکل پرسن کے طور پر کام کریں گے۔

جاری اعلامیے کے مطابق درجہ زیل ایمرجنسی نمبروں پر کنٹرول روم سے رابطہ قائم کیا جا سکتا ہے۔

فون:091-111-712-713

فیکس: 091-9210707

واٹس ایپ:  0345-9687099