پاکستان کرکٹ ٹیم کے سابق کپتان شاہد خان آفریدی نے کہا ہے کہ کشمیر پریمئر لیگ کے دوسرے سیزن میں بھی برینڈ ایمبیسڈر رہوں گا۔

تفصیلات کے مطابق چیئرمین کشمیر پریمئر لیگ(کے پی ایل) ارشد خان تنولی نے لیگ کی برینڈ ایمبیسڈر اور سابق کپتان شاہد خان آفریدی سے ملاقات کی ۔

شاہد آفریدی  نے کہا کہ کشمیر اور کشمیر عوام سے میرا دل کا رشتہ ہے، کشمیریوں کے حقوق کے لیے ہمیشہ کوشاں رہوں گا۔

شاہد آفریدی نے نئے چیئرمین ارشد خان تنولی کے لیے نیک خواہشات کا اظہار کیا  اور کہا کہ میں ارشد خان تنولی کو عہدہ سنبھالنے پر مبارکباد دیتا ہوں ۔

شاہد آفریدی  نے کہا کہ امید ہے انکی سربراہی میں لیگ نئی بلندیوں کو چھوئے گی۔

ان کا کہنا تھا کہ کشمیر پریمئر لیگ کا پہلا سیزن انتہائی کامیاب رہا، اتنی پذیرائی کسی لیگ کو پہلے سیزن میں نہیں ملی، مجھے فخر ہے کہ میں پہلے سیزن میں لیگ کا ایمبیسڈر تھا اور دوسرے سیزن میں بھی میں لیگ کا ایمبیسڈر رہوں گا۔

شاہد آفریدی  نے کہا کہ کشمیر کاز میرے لیے بہت اہم ہے اور میں اس کاز کے لیے ہمیشہ صف اول میں رہنا چاہتا ہوں ۔

چیئرمین کشمیر پریمئر لیگ ارشد خان تنولی نے شاہد آفریدی کہ جانب سے لیگ کا ایمبیسڈر برقرار رہنے کے فیصلے کا خیر مقدم کیا۔

چیئرمین کشمیر پریمئر لیگ ارشد خان تنولی  کا کہنا تھا کہ شاہد آفریدی پاکستان کا ایک بڑا نام ہی، انکی لیگ میں دلچسپی لیگ کے مقاصد حاصل کرنے کیلئے اہم ہے۔

چیئرمین کے پی ایل کا کہنا تھا کہ ہم سب مل کر کشمیر پریمئر لیگ کو کامیاب بنا سکتے ہیں۔

اس موقع پر صدر کے پی ایل عارف ملک نے کہا کہ شاہد  آفریدی پاکستان کے اسٹار ہیں اور انکی لیگ سے وابستگی ہمارے لیے قابل فخر بات ہے۔