ملتان پٹرولنگ پولیس نے ملتان ریجن کی ماہ نومبر 2021 کی کارکردگی رپورٹ جاری کردی گئی ہے۔

ایس پی پٹرولنگ ہما نصیب کا کہنا ہے کہ ملتان میں 556 مقدمات درج رجسٹرڈ اور سینکڑوں ملزمان گرفتار ہوئے، ایل پی جی اور غیر معیاری سیلنڈر استعمال کرنے والی گاڑیوں کے خلاف 41 مقدمات درج ہوئے، شراب و منشیات فروشوں کے خلاف 35 مقدمات درج ہوئے، 33 لیٹر شراب، 968 گرام چرس بر آمد کی۔

ہما نصیب نے بتایا کہ ناجائز اسلحہ رکھنے والوں کے خلاف 11 مقدمات درج کر کے 1 کلاشنکوف، 12 بور گن 1، پسٹل 06 اور 40 گولیاں برآمد ہوئی، ہائی ویز پر سفر کرنے والے 1602 افراد کو مختلف نوعیت کی ہیلپ فراہم کی، 12 اشتہاری مجرمان گرفتار کیے گئے۔

ایس پی پٹرولنگ ہما نصیب کے مطابق تیز رفتاری اور غفلت و لاپرواہی سے ڈرائیونگ کرنے والے ڈرائیوروں کے خلاف 409 مقدمات درج کیے گئے، 8 گمشدہ بچوں کو تلاش کر کے والدین کے حوالے کیا گیا۔