گورنر پنجاب چوہدری محمد سرور نے کہا ہے کہ وزیر اعظم عمران خان قومی صحت کارڈ کا وعدہ پورا کر رہے ہیں۔

چوہدری محمد سرور سے وزیر اعلیٰ پنجاب عثمان بزدار کی ملاقات ہوئی جس میں سیاسی صوتحال اور ملکی معاملات پر تبادلہ خیال کیا گیا۔

ملاقات میں گورنر پنجاب نے گفتگو کرتے ہوئے کہا کہ حکومت عوام کو بنیادی سہولتوں کی فراہمی یقینی بنا رہی ہے۔

انہوں نے کہا کہ اداروں کو باختیار اور مضبوط بھی بنارہے ہیں، اب منفی سیاست کرنے والوں کا کوئی مستقبل نہیں۔

یہ بھی پڑھیں: وزیراعظم کا دورہ لاہور: پنجاب کے عوام کے لئے تاریخی اعلان متوقع

دوسری جانب وزیر اعلیٰ پنجاب عثمان بزدار نے ملاقات میں گفتگو کرتے ہوئے کہا کہ پنجاب میں باختیار بلدیاتی نظام دیا ہے جوکہ نیا بلدیاتی نظام نچلی سطح پر عوام کو بااختیار بنائے گا۔

انہوں نے مزید کہا کہ اپوزیشن جان لے کہ وہ ترقی کا راستہ نہیں روک سکتی ہر آنے والا دن پاکستان کو مضبوط اور مستحکم بنارہا ہے۔

مزید پڑھیں: صحت کارڈ کا مقصد عوام کی بلا تفریق خدمت ہے