پاکستان شوبز انڈسٹری کی اداکارہ منشا پاشا کی اداکار جنید خان کے ساتھ ڈانس کرنے کی ویڈیو وائرل ہوگئی۔

اداکارہ منشا پاشا، اداکار جنید خان کی سوشل میڈیا پر ڈانس ویڈیو وائرل ہو رہی ہےجس  پر انٹرنیٹ صارفین کی جانب سے تنقیدی تبصرے کیے جا رہے ہیں۔

ویڈیو میں دیکھا جا سکتا ہے کہ منشا پاشا اور جنید خان اپنی نئی  فلم ’کہے دل جدھر‘ کے ایک گانے پر ڈانس کر رہے ہیں۔

 منشا پاشا اور جنید خان ڈانس ویڈیو میں  میں کافی خوبصورت اور پرجوش نظر آ رہے ہیں مگر اِن کا یہ ڈانس مداحوں کو کچھ خاص نہیں بھایا ہے۔

منشا پاشا اور جنید خان کی اس ڈانس ویڈیو پر مداحوں کا کہنا ہے کہ گانا بہت پرجوش اور اچھا ہے مگر اس فنکار جوڑی نے اس پر بہت خراب ڈانس کیا ہے۔

جنید خان کے سنجیدہ چہرے اور ڈانس میں عدم دلچسپی پر انٹرنیٹ صارفین اس جوڑی پر تنقید کرتے ہوئے کہہ رہے ہیں کہ اگر اسی گانے پر کوئی بالی ووڈ فنکار جوڑی پرفارم کرتی تو اس گانے کا مزاہ دوبالا ہو جاتا۔