وفاقی دار الحکومت کے بڑے بزنس ایریا غوثیہ پلازہ جناح ایونیو بلیو ایریا کی بیسمنٹ میں اچانک آگ بھڑک اٹھی ہے۔

تفصیلات کے مطابق فائر بریگیڈ کا عملہ آگ بجھانے میں مصروف ہے، ابتدائی رپورٹ کے مطابق آگ شارٹ سرکٹ کے باعث لگی۔

بیسمنٹ اور پلازہ میں قائم تمام دفاتر کے لوگوں نے بھاگ کر اپنی جان بچائی آگ پر کسی حد تک قابو پایا گیا ہے مزید آگ کو  بجھانے کی کوششیں کی جارہی ہیں۔

پلازہ میں سیڑھیوں کے راستے میں دھواں بھر گیا، دوسری اور تیسری منزل میں  پھنسے لوگوں کو سیڑھی لگا کر نکالا جا رہا ہے۔

واضح رہے کہ دوسری منزل پر دھویں میں پھنسی خاتون کو ریسکیو کرلیا گیا ہے۔