سپریم کورٹ رجسٹری کراچی میں پریڈی کوارٹرز پلاٹ نمبر 33 پر النجیبی ٹاور کی غیر قانونی تعمیرات سے متعلق کیس کی سماعت ہوئی۔ کمشنر کراچی کی جانب سے رپورٹ عدالت میں پیش کردی گئی۔

رپورٹ کے کہا گیا کہ مختیار کار کی رپورٹ کے مطابق مذکورہ پلاٹ کی لیز آٹھ جنوری 1863 کو 99 سالہ لیز دی گئی تھی۔ مذکورہ پلاٹ کی 99 سالہ لیز 1962 کو ختم ہوگئی تھی جبکہ پلاٹ کو متروکہ پراپرٹی قراردے دی گئی تھی۔

رپورٹ کے مطابق بورڈ آف ریونیو نے 1962 کو نئی کنڈیشن پر لیز مختلف لوگوں کو لیز کیا گیا ہے۔ مذکورہ پلاٹ سے متعلق نیب انکوئری بھی جاری ہے۔ دو فروری 2021 کو ڈپٹی کمشنر جنوبی سے تفصیلی رپورٹ طلب کی گئی تھی۔ چھ اپریل کو غیر قانونی تعمیرات کے خاتمے سے متعلق ایس بی سی کو خط لکھ دیا گیا تھا