وزیر اعلیٰ پنجاب سردار عثمان بزدار نے کہا ہے کہ دور دراز علاقوں میں لائیو اسٹاک کے فروغ سے غذائی ضروریات پوری کرنے میں مدد ملے گی۔

وزیر اعلیٰ پنجاب سردار عثمان بزدار کی زیرِ صدارت اعلیٰ سطح کا اجلاس ہوا جس میں عثمان بزدار کو ایجنسی فار بارانی ایریا ڈویلپمنٹ کی کارکردگی سے متعلق تفصیلی بریفنگ دی گئی۔

عثمان بزدار نے ”آباد“ میں بھرتی کی اصولی منظوری دے دی، وزیر اعلیٰ نے آباد کوہ سلیمان کے علاقے میں دفاتر قائم کرنے کی ہدایت کر دی،”آباد“ کے ذریعے بارانی علاقوں میں آبی ذخائر / ڈیم بنانے کا جائزہ لیا گیا۔

وزیر اعلیٰ پنجاب عثمان بزدار نے بارانی علاقوں میں لائیو اسٹاک اور فشریز کے فروغ کی ہدایت دی، ان کا کہنا تھا کہ دور دراز پہاڑی علاقوں میں لائیو اسٹاک یونٹ قائم کرنے کے لئے”آباد“ معاونت کرے۔

انہوں نے کہا کہ دور دراز علاقوں میں لائیو اسٹاک کے فروغ سے غذائی ضروریات پوری کرنے میں مدد ملے گی، 13 اضلاع کے کاشتکاروں اور مکینوں کی کیپسٹی بلڈنگ کے لئے آبادنیشنل کانفرنس منعقد کی جائے گی، بارانی علاقوں میں آبی ذخائر کو بحال کرنے پر توجہ ضروری ہے۔

وزیر اعلیٰ نے ہدایت کی کہ ”آباد“ سولر پاؤر واٹر پبمپنگ سسٹم کی تنصیب کا قابل عمل پلان وضع کرے، بارانی علاقوں میں ویلج اور لائیو اسٹاک ڈویلپمنٹ پراجیکٹس پر عمل در آمد یقینی بنایا جائے۔

وزیر اعلیٰ پنجاب سردار عثمان بزدار کا مزید کہنا تھا کہ دور دراز علاقوں میں زیتون، بیری اور دیگر پھلدار درختوں کے باغیچے لگانے کا جائزہ لیا جائے۔

واضح رہے کہ اجلاس میں چیئرمین پی اینڈ ڈی، پرنسپل سیکرٹری وزیر اعلیٰ، ڈی جی آباد اور دیگر متعلقہ حکام نے شرکت کی۔