وسیم اختر نے کہا ہے کہ سندھ کی تمام سیاسی جماعتیں ہمارے ساتھ ہیں۔

 متحدہ قومی موومنٹ (ایم کیو ایم) پاکستان کے سینئر رہنما اور سابق میئر کراچی وسیم اختر نے پریس کانفرنس کرتے ہوئے کہا ہے کہ جب تک وزیراعلیٰ ٹیم کےہمراہ بات کرنےنہیں آئیں گےاحتجاج جاری رہےگا۔

انہوں نے کہا کہ ہم دھرنا دیں گے،یہ گولیاں ماریں گے ، ہم دفناتےرہیں گے ، اب ہم جیل بھروتحریک شروع کریں گے ، شارع فیصل کے بعد اگلا پڑاؤ وزیراعلیٰ ہاؤس کے سامنے  ہوگا ، کراچی کونقصان پہنچتا ہے تو پاکستان کونقصان ہوتا ہے۔

متحدہ قومی موومنٹ (ایم کیو ایم) پاکستان کے سینئر رہنما نے کہا کہ سندھ کی تمام سیاسی جماعتیں ہمارے ساتھ ہیں ، نیابلدیاتی قانون بنانے تک احتجاج جاری رہے گا ، ہم نے سینیٹ اور قومی اسمبلی میں آواز بلند کی ، سندھ پر پاکستان دشمن جماعت قابض ہے۔

سابق میئر کراچی وسیم اختر نے کہا کہ ہماری پٹیشنزعدالتوں میں سسک رہی ہیں ، سندھ میں صحت اورتعلیم کی سہولت دستیاب ہی نہیں۔