امریکا کے شہر نیویارک کی پولیس میں پہلے پاکستانی نژاد شہری کی ڈپٹی انسپکٹر کے عہدے پر ترقی ہوئی ہے۔

میڈیا رپورٹس کے مطابق امریکا کے اہم ترین شہر نیویارک کے محکمہ پولیس میں اپنی فرائض کی انجام دہی کرنے والے پاکستانی نژاد آفیسر عدیل رانا کو ڈپٹی انسپکٹر کے عہدے پر ترقی دے دی گئی ہے۔

یہ خبر بھی پڑھیے: امریکا میں پاکستانی نژاد صائمہ محسن پہلی وفاقی پراسیکیوٹر مقرر

عدیل رانا کو نیویارک پولیس ڈیپارٹمنٹ میں ڈپٹی انسپکٹر کے عہدے پر ترقی پانے والے پہلے پاکستانی امریکن پولیس آفیسر کا اعزاز حاصل ہوگیا ہے، وہ کمانڈنگ آفیسر کی حیثیت سے تعینات ہونے والے بھی پہلے پاکستانی نژاد امریکی بھی ہیں۔

اس سلسلے میں نیو یارک پولیس کی جانب سے ایک پروقار تقریب کا انعقاد کیا گیا جس میں عدیل رانا کو ڈپٹی انسپکٹر کے رینک لگائے گئے اور انہیں نئے عہدے پر ترقی کا خصوصی خط بھی دیا گیا۔

یہ خبر بھی پڑھیے: امریکا میں پاکستانی نژاد نوعمر لیلیٰ ہیرو قرار

عدیل رانا نیویارک پولیس ڈیپارٹمنٹ میں مسلم پولیس آفیسرز کی نمائندہ تنظیم ”مسلم پولیس آفیسرز سوسائٹی“ کے صدر بھی ہیں۔

واضح رہے کہ 2019 کی مردم شماری کے مطابق امریکا میں 5 لاکھ 54 ہزار سے زائد پاکستانی سکونت اختیار کئے ہوئے ہیں۔ یہ پاکستانی شہری ناصرف امریکا میں زندگی کے مختلف شعبوں میں اہم کردار ادا کرہے ہیں بلکہ پاکستان کے زرمبادلہ کے ذخائر میں بھی اضافے کا باعث بنتے ہیں۔