اسلام آباد پولیس نے تھانہ رمنا کے علاقے سے گھریلو چوری میں ملوث خطرناک افغانی شاڑی گینگ کے خلاف کارروائی کی ہے۔

تفصیلات کے مطابق ترجمان اسلام آباد پولیس کا کہنا ہے کہ کارروائی کے دوران 2 ارکان کو گرفتار کیا گیا، ملزمان سے 60 لاکھ روپے نقد، قیمتی پتھر، طلائی زیورات کل مالیتی 1 کروڑ روپے سے زائد مالیت کا مسروقہ مال برآمد ہوا۔

ترجمان اسلام آباد پولیس کے مطابق ملزمان میں ذاکر اللہ اور رحیم اللہ شامل ہیں، ملزمان رات کو سیکٹروں میں بند گھروں کی ریکی کرتے اور موقع ملتے ہی تالے توڑ کر چوری کرتے تھے۔

اسلام آباد پولیس کے ترجمان کا کہنا تھا کہ ملزم زاکر سابقہ ریکارڈ یافتہ ہے اور  پہلے بھی مقدمات درج ہیں، ملزمان کا خلاف کارروائی اے ایس آئی محمد اسحاق اور جوانوں نے کی۔

ڈی آئی جی آپریشنز نے پولیس ٹیم کو اعلیٰ کارکردگی پر تعریفی سرٹیفکیٹ دینے کا اعلان کر دیا، ان کا کہنا تھا کہ پولیس جرائم پیشہ عناصر کی گرفتاری اور مسروقہ مال کی برآمدگی کے لیے تمام تر اقدامات اٹھا رہی ہے۔

ڈی آئی جی آپریشنز کا مزید کہنا تھا کہ شہریوں کی جان و مال کا تحفظ ہماری اولین ترجیحات میں شامل ہے۔