پاکستان کے خلاف دنیا بھر میں منفی پروپیگنڈے کی خبریں دم توڑ گئیں۔

ذرائع کے مطابق سری لنکا سے پریانتھا کمارا کے بھائی نے فیکٹری مالک کو کال کرکے پاکستان میں قانون نافذ کرنے والے اداروں اور فیکٹری مالکان پر اعتماد کا اظہارکیا ہے۔

 پریانتھاکمارا کے بھائی نے فیکٹری مالک سے اپنے بھائی کی جگہ کام کرنے کی خواہش کا بھی اظہار کر دیا۔

سانحہ سیالکوٹ کیس میں پیش رفت جاری

سیالکوٹ میں سری لنکن شہری کی ہلاکت کےکیس میں پیش رفت جاری ہے۔

ذرائع کے مطابق سانحہ سیالکوٹ کے واقعے میں ملوث مزید 18 ملزمان فورانزک ایجنسی پیش کر دئیے گئے۔

ملزمان کی سی سی ٹی وی اور موبائل فوٹیجز سے میچ کرنے کا عمل کیا جائے گا۔

اس کے ساتھ ساتھ فرانزک ایجنسی میں ملزمان کا فوٹوگرامیٹری ٹیسٹ بھی کیاجائےگا، اس سے قبل 34 ملزمان کو ٹیسٹ کےلیے پیش کیا گیا تھا۔

یہ بھی پڑھیں:  سانحہ سیالکوٹ کیس کو انجام تک پہنچانے کیلئے وزیر اعظم ذاتی دلچسپی لے رہے ہیں، نورالحق قادری

ذرائع نے بتایا ہےکہ ٹیسٹ مکمل کرنے کے بعد ملزمان کو سیالکوٹ جیل منتقل کردیاجائےگا۔

واضح رہےکہ ملزمان کو سخت سیکیورٹی میں سیالکوٹ سے لاہور لایا گیا ہے۔