پاکستان پیپلزپارٹی کے شریک چیئرمین آصف علی زرداری نے کہا ہے کہ 1979ء کی طرح  بلدیاتی انتخابات میں فتح حاصل  کریں گے۔

آصف علی زرداری لاہور سے کراچی کے لیے روانہ ہوگئے ہیں، انہوں چند دن بلاول ہاؤس لاہور میں قیام کیا، حلقہ این اے 133 کے انتخابات کی نگرانی بھی کی جب کہ کارکنوں کے اعزاز میں عشائیہ بھی دی۔

آصف علی زرداری نے کہا ہے کہ  پنجاب میں پوری قوت کے ساتھ بلدیاتی انتخابات میں حصہ لیں گے، میدان کسی کے لئے خالی نہیں چھوڑیں گے، پیپلز پارٹی کو لاہور سمیت پورے پنجاب میں مضبوط کریں گے اور 1979ء کی طرح  بلدیاتی انتخابات میں فتح حاصل  کریں گے۔