کوئٹہ سمیت بلوچستان میں بھی کورونا سے بچاؤ کے لیے ویکسینیشن کا عمل جاری ہے۔

محکمہ صحت کے جاری کردہ اعداد وشمار کے مطابق بلوچستان میں کورونا وائرس ویکسینشن شرح 18 فیصد ہے۔

محکمہ صحت کا کہنا ہے کہ بلوچستان کے دس بڑے اضلاع میں ویکسیشن کا عمل تیز کریں گے۔

محکمہ صحت بلوچستان کا کہنا ہے کہ کوئٹہ، خضدار، پشین کیچ، لورلائی سمیت بڑے اضلاع میں کورونا ویکسیشن اک عمل تیز کریں گے۔

محکمہ صحت نے بتایا ہے کہ 12 سے 17 کے بچوں کیلئے خصوصی فائزر ویکسین اسکولوں میں بھی لگائی جائے گی۔

واضح رہے کہ کورونا وائرس کی بوسٹر ڈوز لگوانے میں اضافہ ہوگیا ہے، لاہور میں صرف ایک سینٹر میں کورونا بوسٹر ڈوز لگوائی جا رہی ہے۔

کورونا وائرس کی نئی قسم آنے کے بعد بوسٹر ڈوز لگوانے والوں کا رش بڑھ گیا ہے۔

ہیلتھ کیئر ورکرز اور 50 سال سے زائد عمر کے افراد کو بوسٹر ڈوز مفت لگائی جارہی ہے جبکہ 50 سال سے کم عمر افراد کو بوسٹر ڈوز کی قیمت ادا پڑ رہی ہے۔

خیال رہے کہ کورونا کی نئی انتہائی خطرناک قسم دنیا کے مختلف ممالک میں پھیل چکی ہے اور پاکستان نے بھی اس حوالے سے ہانگ کانگ اور 6 افریقی ممالک پر سفری پابندیاں عائد کر دی ہیں۔

واضح رہے کہ گزشتہ روز نیشنل کمانڈ اینڈ آپریشن سینٹر (این سی او سی) نے کورونا ویکسین کی بوسٹر ڈوز لگانے کی منظوری دے دی تھی۔