بھارتی کرکٹ ٹیم  کے سابق آف اسپنر ہربھجن سنگھ نے سوشل میڈیا  اکاؤنٹ پر تصویر شیئر کی ہے۔

سابق بھارتی آف اسپنر ہربھجن سنگھ کی جانب سے  سماجی رابطے کی ویبسائٹ ٹویٹر  پر شیئر کی گئی تصویر کے کیپشن میں انہوں نے لکھا ہے کہ  پہچانو تو مانیں اور ساتھ ہی انہوں نے بتایا کہ یہ تصویر  انڈر 19 ورلڈکپ  1998 کی ہے۔

Pehchano to maaane.. U-19 World Cup days 1998/99 pic.twitter.com/2iawM1dSUK

— Harbhajan Turbanator (@harbhajan_singh) December 10, 2021

ہربھجن سنگھ کی جانب سے شیئر کی گئی تصویر میں دیکھا جا سکتا ہے درمیان میں ہربھجن سنگھ خود ہیں ان کے دائیں جانب  پاکستانی بلے باز حسن رضا ہیں جبکہ بائیں جانب جنوبی افریقہ کے لیگ اسپنر عمران طاہر ہیں۔

واضح رہے کہ ہربھجن سنگھ نے اپنے ٹیسٹ کیرئیر میں 103 میچز کھیلے جن میں انہوں نے 417 شکار کیے۔

سابق پاکستانی بلے باز حسن رضا کم عمری میں اپنا ڈیبیو کرنے والے بیٹسمین ہیں، انہوں نے 14 سال کی عمر میں اپنا ڈیبیو میچ کھیلا۔

جنوبی افریقہ کے لیگ اسپنر عمران طاہر نے  اپنے ٹیسٹ کیرئیر میں 20 میچز کھیلے جن میں انہوں نے 57 وکٹیں حاصل کیں۔