ٹک ٹاک اور وزارت قومی صحت کے درمیان کورونا وائرس کی آگاہی مہم ’’میری ویکسین کہانی‘‘ کیلئے شراکت کا اعلان کیا گیا ہے۔

ترجمان ٹک ٹاک کے مطابق ميری ويکسين کہانی کےعنوان سے مہم شروع کی جائے گی، ٹک ٹاک صارفين کو وزارت صحت کی فراہم کردہ درست معلومات دے گا۔

وزیراعظم کے معاون خصوصی برائے صحت ڈاکٹر فیصل سلطان نے کہا کہ ہمیں ٹک ٹاک کے ساتھ اشتراک پر خوشی ہے، ٹک ٹاک کے ذریعے پورے ملک میں پاکستانیوں تک رسائی حاصل کريں گے۔

ٹک ٹاک کی ہیڈ آف پبلک پالیسی فرح تکان نے کہا کہ کورونا سے تحفظ کے اقدامات پر آگاہی فراہم کريں گے، وزارت صحت سے اشتراک عوام کے تحفظ اور بہتری کی سمت ایک اور قدم ہے۔