پاکستان نیوی کیڈٹ کالج اورماڑہ میں 5 ویں سالانہ یوم والدین کا انعقاد کیا گیا۔

ترجمان پاک بحریہ کے مطابق چیف آف دی نیول اسٹاف ایڈمرل محمد امجد خان نیازی تقریب کے مہمان خصوصی تھے۔

امیر البحر نے بلوچستان میں تعلیم کے فروغ کے لئے کیڈٹ کالج اورماڑہ کے کردار کو سراہا۔

نیول چیف کا اس موقع پر کہنا تھا کہ کیڈٹ کالج اورماڑہ بلوچستان کی سماجی اور معاشی ترقی کے لئے پاک بحریہ کے عزم کا مظہر ہے۔

پاک نیوی کے ترجمان کے مطابق  قبل ازیں پرنسپل کیڈٹ کالج اورماڑہ نے گزشتہ سال کے دوران کالج کی کارکردگی کا جائزہ پیش کیا۔

یہ بھی پڑھیں: پاکستان بحریہ اور رائل نیوی آف اومان کے مابین بحری مشق ثمر الطیب کا انعقاد

تقریب میں کیڈٹس نے پریڈ، پی ٹی، جمناسٹکس اور رائفل ڈرل کا شاندار مظاہرہ بھی پیش کیا. گیا۔

ترجمان پاک بحریہ کا کہنا ہےکہ تقریب کے اختتام میں نیول چیف نے گزشتہ سال میں بہترین کارکردگی کا مظاہرہ کرنے والے کیڈٹس اور اساتذہ میں انعامات تقسیم کیے۔