اسپیکر قومی اسمبلی اسد قیصر نے کہا ہے کہ سی پیک اہم منصوبہ ہے ہمیں ملکر اس سے فائدہ اٹھانا ہوگا۔

اسلام آباد میں تقریب سے خطاب کے دوران اسد قیصر نے کہا کہ پورے ملک میں سی پیک پر کانفرنسوں کا انعقاد کیا جارہا ہے جو نہایت اہمیت کا حامل ہے۔

انہوں نے کہا کہ گزشتہ حکومت میں مغربی راہداری پر کچھ تحفظات تھے جن کو دور کیا گیا۔ احسن اقبال کے ساتھ کبھی کبھی تلخی بھی ہوجاتی تھی۔

متعلقہ خبر : سی پیک میں مزید 6 منصوبے شامل

اسپیکر قومی اسمبلی کا کہنا ہے کہ سی پیک اہم منصوبہ ہے اور اس سے مل کر فائدہ اٹھانا ہوگا، کمیٹی کو اس پر کام کرنا ہوگا کہ زراعت کے حوالے سے اور صنعتوں کے حوالے سے کتنا کام ہوا ہے۔

اسد قیصر نے کہا کہ پارلیمانی سی پیک کمیٹی کا ہر ماہ ایک اجلاس ہونا چاہیے، کمیٹی نے اب تک بہترین کردار ادا کیا ہے، کمیٹیوں میں سیاست سے بالاتر ہوکر سوچنا ہوگا۔

یہ بھی پڑھیں: گوادر کے لوگوں کی آواز کو طاقت سےدبانا غلط ہے، اسد عمر

انہوں نے مزید کہا کہ ہمارا مقصد ایسا پاکستان ہے جس میں ہمارے بچوں کیلئے تعلیم اور روزگار موجود ہو، میں ایف ای ایس پاکستان کو شکریہ ادا کرتا ہوں کہ انہوں نے مالی اور تکنیکی مدد فراہم کی۔