کراچی میں سائبیرین ہوائیں چلنے لگی ہیں جس کے باعث سردی کی شدت میں مزید اضافہ ہوگیا ہے۔

محکمہ موسمیات کے مطابق آئندہ 24 گھنٹوں کے دوران شہر کا موسم خشک، رات سرد اور صبح کے وقت دھند رہنے کا امکان ہے۔

محکمہ موسمیات نے بتایا ہے کہ آج کم سے کم درجہ حرارت 9ڈگری سینٹی گریڈ ریکارڈ کیا گیا ہے۔

آج ہوا میں نمی کا تناسب 26فیصد ریکارڈ کیا گیا ہے اور زیادہ سے زیادہ درجہ حرارت 24ڈگری سینٹی گریڈ کے درمیان رہنے کا امکان ہے۔

محکمہ موسمیات کا کہنا ہے کہ شہر میں 18 کلو میٹر فی گھنٹہ کی رفتار سے شمال مشرقی ہوا چل رہی ہے، آج مطلع صاف رہے گا البتہ بارش کا کوئی امکان نہیں ہے۔