کرسمس کے موقع پر گرجا گھروں، مسیحی آبادی اور  بازاروں کی سکیورٹی ہائی الرٹ کر دی گئی۔

 ڈی پی او گجرات عمر سلامت نے تفصیلات بتاتے ہوئے کہا ہے کہ کرسمس کے موقع پر  سکیورٹی ڈیوٹی پر 3 ہزار پوليس اہلکاراور 600 پوليس کے رضا کار تعینات کئے جائیں گے۔

ڈی پی او کا کہنا تھا کہ ضلع بھر میں 37 مسیحی عبادت گاہوں پر مذہبی رسومات اور عبادات ادا کی جائیں گی جبکہ مسیحی آبادی اور بازاروں کی سکیورٹی کو بھی یقینی بنایا جائے گا۔

ان کا کہنا تھا کہ سرکل کھاریاں میں 8، سرکل سراۓ عالمگير2 ، سرکل گجرات 19، سرکل لالہ موسی 4 اور سرکل جلالپورجٹاں میں 4 گرجا گھر موجود ہیں ، جن کے لئے فول پروف سیکورٹی انتظامات مکمل کر لئے گئے ہیں ۔