شائقین کرکٹ کے لئے خوشخبری ، پی سی بی پاکستان بمقابلہ ویسٹ انڈیز سیریز کی ٹکٹوں کی قیمتوں کا اعلان کر دیا۔

پاکستان کرکٹ بورڈ (پی سی بی) کے مطابق کراچی کے نیشنل کرکٹ اسٹیڈیم میں شائقین کرکٹ کو میچ دیکھنے کی اجازت مل گئی ہے۔

نیشنل کرکٹ اسٹیڈیم  میں کورنا کے بعد پہلی مرتبہ سو فیصد شائقین کی گراؤنڈ میں آنے کی اجازت ملی ہے۔

ٹی ٹوئنٹی سیریز کے ٹکٹس 250 روپے سے لے کر ایک ہزار روپے مالیت تک کے ہوں گے۔

ون ڈے سیریز کے ٹکٹ 250 ، 500 اور وی آئی پی ٹکٹ کی قیمت 1000 روپے رکھی گئی ہے۔

شائقین میچز کی ٹکٹس آن لائن اور مخصوص پوائنٹس سے خرید سکتے ہیں۔