شائقین کرکٹ کے لیے بڑی خبری خوشخبری سامنے آ گئی ہے، نیشنل کمانڈ اینڈ کنٹرول سنٹر نے 100فیصد گنجائش کے مطابق شائقین کوا سٹیڈیم آنے کی اجازت دے دی ہے۔

تفصیلات کے مطابق ویسٹ انڈیز کا دورہ رواں ماہ شیڈول ہے، پاکستان اور مہمان ٹیم کے درمیان تین ٹی ٹوئنٹی  اور پھر تین ون ڈے میچز کی سیریز 13 دسمبر سے کراچی میں شروع ہو گی جس کی تیاریاں ابھی سے تیز ہو گئی ہیں۔

 شہرقائد میں سکیورٹی پلان بھی تیار کر لیا گیا ہے۔

پاک ویسٹ انڈیز سیریز میں اسٹیڈیم شائقین سے مکمل بھرا ہوگا، این سی او سی کے ہدایت نامہ کے مطابق ویکسین شدہ افراد ہی اسٹیڈیم میں میچ دیکھ سکیں گے، ٹکٹوں کی فروخت جمعے سے شروع ہونے کا امکان ہے۔

یاد رہے کہ پاکستان سپر لیگ میں تماشائیوں کو اجازت دینے کا فیصلہ دسمبر کے تیسرے ہفتے میں ہوگا۔