بھارت سے تعلق رکھنے والی ہرناز سندھو نے مس یونیورس 2021 کا ٹائٹل اپنے نام کرلیا ہے۔

رپورٹس کے مطابق بھارت کی خوبصورت ہرناز سندھو مقابلے میں شریک 76 حسیناؤں پر بازی لیتے ہوئے مس یونیورس کا خطاب اپنے نام کرنے میں کامیاب ہوئیں ہیں۔

 ہرناز سندھو، مس یونیورس کا خطاب اپنے نام کرنے والی وہ تیسری لڑکی ہیں جن کا تعلق بھارت سے ہے۔

 خیال رہے کہ بھارت کو مس یونیورس کا خطاب 21 سال کے بعد ہرناز سندھو کی صورت میں ملا ہے جبکہ اس فہرست میں سب سے پہلا نام ششمیتا سین اور دوسرا نام لارا دتا کا تھا۔

بھارتی اداکار ششمیتا سین نے سال 1994 میں مس یونیورس کا خطاب حاصل کیا تھا جبکہ اداکارہ لارا دتا نے یہ خطاب 2000 میں حاصل کیا تھا۔

ہرناز سندھو:

مس یونیورس 2021 کا خطاب حاصل کرنے والی ہرناز سندھو کا تعلق چندی گڑھ سے ہے جو کہ پیشے سے ایک ماڈل ہیں۔

ان کی عمر 21 سال ہے اور انہوں نے رواں سال مس دیوا مس یونیورس 2021 کا خطاب بھی اپنے نام کیا تھا۔