کراچی میں آئی جی سندھ مشتاق مہر کی زیرِ صدارت لاڑکانہ پولیس رینج میں اہم اجلاس ہوا جس میں لاڑکانہ کی امن و امان کی صورتحال پر جائزہ لیا گیا۔

اجلاس میں لاڑکانہ پولیس رینج اور اس میں موجود کچے کے علاقوں میں امن وامان کی صورتحال کا مختلف پہلوؤں سے جائزہ لیا گیا۔

اس موقع پر ڈی آئی جی لاڑکانہ نے کچے کے علاقے میں جرائم کی روک تھام اور ٹرائی جنکشن بارڈر پر پولیسنگ کے حوالے سے تفصیلی بریفنگ دی جس پر آئی جی سندھ نے جملہ اقدامات کو مذید ٹھوس اور مربوط بنانے کے احکامات دیئے۔

اجلاس میں ڈی آئی جی لاڑکانہ کے علاوہ لاڑکانہ، قمبر شہداد کوٹ، کشمور، شکارپور اور جیکب آباد کے ایس ایس پیز بھی شریک تھے۔