جرمن فٹ بال ایسوسی ایشن نے برطانوی مڈ فیلڈرجوڈ بیلینگھم کو چالیس ہزار یورو جرمانہ عائد کر دیا۔

جرمن فٹ بال ایسوسی ایشن نے اپنے فیصلے میں کہا کہ جوڈ بیلینگھم کا بیان اسپورٹس مین اسپرٹ کے خلاف ہے۔

واضح رہے کہ برطانوی مڈ فیلڈر نے بوروشیا ڈورٹمنڈ اور بائرن میونخ کے مابین ہونے والے میچ کے بعد میچ ریفری کی تعیناتی پر بیان دیا تھا۔

مڈ فیلڈر نے اپنے بیان میں میچ ریفری فیلکس زوائرکے ماضی کے حوالے سے کہا تھا کہ فیلکس وہی میچ ریفری ہیں جن پر عالمی فٹ بال فیڈریشن نے 2005 میں میچ فکسنگ کے الزام میں چھ ماہ کی پابندی عائد کی تھی۔

برطانوی مڈ فیلڈر جوڈ کے کلب ڈورٹمنڈ جو فیصلے سے قبل جوڈ کی حمایت میں کھڑا تھا اب فیصلے کے خلاف اپیل نہ کرنے کا فیصلہ کیا ہے۔

جرمانے کی سزا کے بعد جوڈ بیلینگھم نے اپنے ایک بیان میں کہا کہ آپ ایک ایسے شخص کو میچ ریفری بناتے ہیں جو ماضی میں میچ فکسنگ میں ملوث رہا ہے، آپ فیلکس سے ایماندارانہ فیصلے کی توقع کس طرح کر سکتے ہیں۔

برطانوی شہر برمنگھم سے تعلق رکھنے والے جوڈ بیلینگھم نے گزشتہ سال ہی ڈورٹمنڈ فٹ بال کلب جوائن کیا تھا، اور ان کی سالانہ آمدنی 30 ملین پاؤنڈزہے۔