گوجرانوالہ کینال ویو میں گھریلو ملازمہ کو تشدد کے بعد قتل کردیا گیا۔

تفصیلات کے مطابق گوجرانوالہ تھانہ پھول نگر پولیس نے کینال ویو میں کپڑے کے تاجر شیخ عثمان کے گھر پر چھاپہ مارا جس کے دوران کھوٹھی سے شیخ عثمان کے سالے امجد شکیل کے بیٹے علی کو گرفتار کر لیا گیا۔

پولیس کے کہنا ہے کہ ہلاک ہونے والی بچی کے خاندان سے ہی تعلق رکھنے والے 3 گھریلو ملازمین بچوں کو برآمد کر لیا گیا، گوجرانوالہ کنال ویو سے مزید برآمد ہونے والے 3 بچوں کی عمریں 12 سال سے لے کر 15 سال تک کی ہیں۔

ایس ایس پی آپریشن کے مطابق عثمان تاجر کے گھر سے برآمد ہونے والے گھریلو ملازمین کے بچوں کو تھانہ پھول نگر پولیس اپنے ہمراہ لے گئی تھی۔

شیخ عثمان کے گھر والوں کا کہنا ہے کہ 8 سالہ گھریلو ملازمہ کی طبعیت ناساز ہونے پر بچی کے والدین کے حوالے کیا گیا تھا۔