نوشہرو فیروز میں لاکھا برادری کے سردار کے بیٹے کی پیجارو کو کراس کرنا طالب علم کو مہنگا پڑ گیا۔

تفصیلات کے مطابق وڈیرے اور اس کے گارڈوں کا اپنے ہی برادری کے طالب علم پر تشدد کیا، موٹر سائیکل سوار طالب علم کو اغوا کر کے ڈیرے پر تین گھنٹے تک یرغمال بنایا کر تشدد کیا گیا۔

  وڈیرے نے طالب علم کو کہا کہ تیری یہ جرعت کہ سردار کے بیٹے کی گاڈی کو کراس کرتے ہو۔

ذرائع کا کہنا تھا کہ طالب علم کا والد پولیس اسپیشل برانچ میں اہلکار ہے، طالب علم کے والد اور دیگر رشتے داروں کی معافی پر زخمی حالت میں طالب علم کو رشتے داروں کے حوالے کیا گیا۔

ذرائع نے کہا کہ پولیس وڈیروں اور ان کے گارڈوں کے خلاف کارروائی نہیں کرتی، طالب علم پر تشدد کرنے والا وڈیرا فراز لاکھو سردار عبد الحکیم لاکھو کا بیٹا ہے۔

ذرائع کے مطابق وڈیرے نے دھمکی دی کہ سردار کے بیٹے کے خلاف کہیں شکایت کی تو جینا حرام کردیں گے، طالب علم کے والد پر جھوٹے مقدمات درج کرانے کی دھمکیاں بھی دی گئیں۔

ایس ایچ او کنڈیارو کا کہنا تھا کہ زخمی طالب علم  تعلقہ اسپتال کنڈیارو منتقل کیا گیا ہے، میڈیکل رپورٹ موصول ہونے کے بعد کارروائی ہوگی تاحال کوئی گرفتاری نہیں ہوئی۔