لاہور میں انسداد پولیو مہم آج چوتھے روز بھی جاری ہے۔

تفصیلات کے مطابق آج کیچ اپ ڈے کا پہلا روز ہے اور اس میں رہ جانے والے بچوں کو پولیو کے قطرے پلائے جا رہے ہیں۔

ایڈیشنل ڈپٹی کمشنر جنرل شاہد عباس کاٹھیا نے اس موقعے پر یو سی 46 انگوری باغ اسکیم 02 شالیمار زون میں ٹیموں کی کارکردگی کا جائزہ لینے کے لئے دورہ کیا ہے۔

اس کے علاوہ اسسٹنٹ کمشنر ماڈل ٹاؤن ذیشان ندیم نے یو سی 128 پنجاب کوآپریٹو سوسائٹی فیصل ٹاؤن کا دورہ کیا جہاں انہوں نے مائیکرو پلان اور ٹیلی شیٹس کا جائزہ لیا۔

افسران نے رہ جانے والے 5 سال سے کم عمر کے بچوں کو پولیو کے قطرے پلانے کے عمل کو بھی مانیٹر کیا۔

ذیشان ندیم نے کہا کہ والدین کو قائل کرنے کے بعد بچوں کو پولیو کے قطرے پلا دیئے گئے ہیں، پولیو کے دو قطرے آپ کے بچوں کو عمر بھر کی معذوری سے بچا سکتے ہیں۔