پاکستان شوبز انڈسٹری کی اداکارہ منال خان شدید تنقید کا شکار ہو گئیں۔

اداکارہ منال خان نے فوٹو اینڈ ویڈیو شئیرنگ ایپ انسٹاگرام پر اپنی تصویر اور ویڈیو پوسٹ کی ہے۔

اداکارہ منال کی جانب سے پوسٹ کی جانے والی ویڈیو میں دیکھا جا سکتا ہے کہ اداکارہ گزشتہ روز ہونے والے شوٹ میں پہنا گیا ہی لباس زیب تن کی ہوئی ہیں اور ساتھ میں ان کے شوہر احسن بھی موجود ہیں۔

ویڈیو میں دیکھا جا سکتا ہے کہ اداکارہ منال اپنے شوہر کو بوسہ دے رہی ہیں اور اس ہی وجہ سے اداکارہ منال اور ان کے شوہر احسن کو سوشل میڈیا صارفین کی جانب سے شدید تنقید کا نشانہ بنایا جا رہا ہے۔

گزشتہ روز فیشن شو کے دوران میڈیا سے گفتگو میں منال خان سے سوال کیا گیا تھا کہ شادی کی پہلے اور بعد کی زندگی میں کیا فرق ہے؟

سوال کے جواب میں اداکارہ منال نے جواب دیا تھا کہ شادی شدہ زندگی اچھی اور مزے کی ہے۔

اداکارہ نے کہا تھا کہ میں نے تو اسی وقت خود کو شادی شدہ محسوس کرلیا تھا جب میری احسن محسن اکرام سے پہلی مرتبہ ملاقات ہوئی تھی، تو شادی سے پہلے اور شادی کے بعد کی زندگی کا احساس ایک جیسا ہے۔

منال خان کی جانب سے اس جواب پر سوشل میڈیا صارفین نے اداکارہ پر شدید تنقید کی۔

اس کے علاوہ جب یہی سوال احسن سے کیا گیا تھا تو انہوں نے کہا کہ شادی کے بعد بہت اچھا محسوس ہوتا ہے۔

واضح رہے کہ منال خان اور احسن محسن اکرام کی شادی رواں برس ستمبر میں ہوئی تھی۔