کہیں آپ بھی موبائل فوں غلط طریقے سے تو چارج نہیں کر رہیں ہیں ۔ یہ بات تو سب ہی جانتے ہیں فون کی بیٹری بہ مشکل ایک دن ہی چلتی ہے، یہی وجہ ہے کہ ہم انہیں بار بار چارج کرنے پر مجبور ہو جاتے ہیں ،کیا ہم موبائل فون کی بیٹریز کو درست طریقے سے چارج کر رہیں ہیں تو اس کا جواب نہیں میں ہے۔

اکثر افراد بیٹری کو اس وقت چارج کرتے ہیں جب وہ ختم ہو نے والی ہوتی ہے،جو ایک غلط طریقہ ہے،اس لئے اب بیٹری کوچارج کرنے کے لئے آپ کو اپنا رویہ تبدیل کرنا ہوگا ۔

زیادہ چارج سے بچائیں

 مکمل چارج ہو نے پر فوراً چارجنگ بند کر دیں ، اور رات کے وقت چارج کر کے صبح فون دیکھنے کی عادت ترک کر دیں۔ کیو نکہ اس سے بیٹری کے اندر کیمیائی نظام شدید متاثر ہونے لگتا ہے۔ یہ بلکل ایسا ہی ہے کہ بیٹری فل ہونے کے بعد بھی اس پر چارج کی بھر مار کی جائے ۔

 اوورچارجنگ بیٹری کی زندگی گھٹا دیتی ہے اور جلد خراب ہو جاتی ہے۔

بیٹریز سو فیصد تک ہی چارج نہ کریں موبائل بیٹری کو سو فیصد تک چارج کرنا درست نہیں ہے اس سے بیٹری میں چارج کی بھر مار ہو گی اور اندر بگاڑ کا عمل شروع ہوجائے گا۔ اس کے بجائے جب بھی وقت ملے بیٹری کو چارج تھوڑا چارج کرتے رہیں تاکہ بیٹری اضافی چارج سے بچ جائے ۔

دس فیصد چارج کم ہونے پر فون پلگ سے لگائیں

اب کسے معلوم کہ دن میں کتنی بار جارچ کیا جائے ،اگر آپ آفس یا گھر میں ہیں اور بیٹری کی چارچنگ دس فیصد گر چکی ہے تو اسے چارج کیا جاسکتا ہے،اس طرح دن کے مختلف اوقات میں اسے چارج کرتے رہیں ۔

اس طرح ایک طویل عرصے تک اسمارٹ فون کی بیٹری بہترین حالت میں رہے گی ۔

بیٹری کو ٹھنڈا رکھیں گرمی اور حرارت موبائل فون بیٹری کی سب سے بڑی دشمن ہیں ۔ اسی لئے فو ن کو کسی گرم جگہ پر نہ رکھیں ۔ جتنا ممکن ہو فون کو ٹھنڈا رکھیں ۔

چارجنگ کے دوران بیٹری مزید گرم ہو جاتی ہے اور اسے چارجنگ کے وقت دھوپ میں نہ رکھیں اس طرح بیٹری بہتر حالت میں رہے گی ۔