واٹر بورڈ نے ورکرز یونین بلدیاتی ملازمین کے آن لائن ٹریژری کے مطالبے کی حمایت کردی ہے۔

واٹر بورڈ یونائیٹڈ کے مطابق 29 نومبر سے جاری بلدیاتی اداروں کی کام چھوڑ ہڑتال میں واٹر بورڈ کے ملازمین بلدیاتی ملازمین کے ساتھ ہیں۔

یونائیٹڈ ورکرز یونین کے چیئرمین جوزف صنم، صدر پنھل خان مگسی، جنرل سیکٹریری محمد اکرام خان، چیف آرگنائزر اکبر معید یوسفی، مرکزی رہنماﺅں چن زیب، ناظم خان، عبد الحکیم کلیری، کامریڈ امر جلیل مگسی، ولی محمد بلوچ، ریحان الٰہی، وحید بلوچ اور دیگر نے کہا ہے کہ آل پاکستان لوکل گورنمنٹ ورکرز فیڈریشن کا حصہ ہوتے ہوئے صوبے بھر کے بلدیاتی اداروں کے ملازمین کی 29 نومبر سے جاری کام چھوڑ ہڑتال کی مکمل حمایت کررہے ہیں، واٹر بورڈ کے ملازمین اپنے بلدیاتی ملازمین بھائیوں کی ایک کال پر ان کا بھرپور ساتھ دیں گے۔

انہوں نے وزیر اعلیٰ سندھ سے مطالبہ کیا ہے کہ وہ بلدیاتی ملازمین کی تنخواہوں کی آن لائن ٹریژری سے ادائیگی کی منظور کردہ سمری پر عملدرآمد کروائیں۔

بصورت دیگر 29 نومبر سے جاری کام چھوڑ ہڑتال کا دائرہ کار دیگر لوکل گورنمنٹ اداروں تک وسیع کردیا جائے گا اور اس کی تمام تر ذمہ داری سیکریٹری لوکل گورنمنٹ پر عائد ہوگی۔