جاپان ک سمندر میں پھنس جانے والے ایک معمر شخص کو 22 گھنٹے بعد بچا لیا گیا۔

غیر ملکی خبر رساں ادارے کے مطابق 69 سالہ شخص جو مغربی کاگوشیما سے ایک ریزورٹ جزیرے یوکوشیما کی جانب 27 نومبر کو جارہا تھا جب اس کی بوٹ الٹ گئی۔

تاہم 22 گھنٹے بعد ڈوبنے والے شخص کو بچا لیا گیا، اس شخص کے زندہ بچ جانے کو حکام نے کرشمہ قرار دیا ہے۔

رپورٹس کے مطابق جزیرے پر اپنے ایک ساتھی کو کال کرکے خبردار کرنے میں کامیاب ہوگیا مگر اسے لگ بھگ ایک دن تک تلاش نہیں کیا جاسکا۔

حیرت کی بات یہ ہے کہ کوسٹ گارڈز نے جب اسے تلاش کیا تو وہ اپنی الٹ جانے والی کشتی کے انجن پر بیٹھا ہوا تھا اور اس کے ایک حصے کو مضبوطی سے پکڑے ہوئے تھا۔