وفاقی وزیر اقتصادی امور عمر ایوب نے کہا ہے کہ نئی شرحوں کا اطلاق پیٹرولیم مصنوعات کی آئندہ نظرثانی سے ہوگا۔

عمر ایوب کی زیرِ صدارت اقتصادی رابطہ کمیٹی کا اجلاس ہوا جس میں ای سی سی نے آئل مارکیٹنگ کمپنیوں اور ڈیلرز مارجن بڑھانے کی منظوری دیدی، ان کا کہنا تھا کہ نئی شرحوں کا اطلاق پیٹرولیم مصنوعات کی آئندہ نظرثانی سے ہوگا۔

اجلاس میں افغانستان کیلئے 1 لاکھ 75 ہزار میٹرک ٹن گندم کی خریداری کی سمری منظور کی گئی۔

عمر ایوب کا کہنا تھا کہ ورلڈ فوڈ پروگرام ایک لاکھ 75 یزار میٹرک ٹن گندم پاسکو سے خریدے گا، یہ گندم افغانستان اور پاکستان میں خوراک کے مسائل سے دوچار افراد کیلئے ہوگی، نئے مستحقین کو ایک بار 12 ہزار روپے کی فراہمی یقینی بنائی جائے گی۔

اجلاس میں احساس ایمرجنسی کیش پروگرام میں مستحقین کو شامل کرنے کے دوسرے مرحلے کی منظوری دی گئی، وزیر اعظم عمران خان ریلیف پیکیج کے تحت یوٹیلیٹی اسٹورز پر سبسڈی 31 دسمبر تک جاری رکھنے پر فیصلہ موخر ہوا۔

اجلاس میں ایچ ای سی، آکسیجن سپلائی اور وزارت صنعت کی سمریوں پر بھی فیصلہ موخر ہوا، ریلوے ملازمین کے واجبات اور مالی پیکیج کے لئے گرانٹ جاری کرنے کی سمری پرفیصلہ موخر کر دیا گیا۔

وزارت قانون بجلی کی تقسیم کار کمپنیوں کی سبسڈی پر سیلز ٹیکس لگانے پر تجویز پر بھی فیصلہ موخر ہوا۔