پی ڈی ایم نے حکومت کا پیش کردہ منی بجٹ مسترد کردیا۔

ترجمان پی ڈی ایم حافظ حمد اللہ نے اپنے ایک بیان میں کہا کہ منی بجٹ آئی ایم ایف کے دباؤ اور ان کے شرائط پر پیش کیا گیا، منی بجٹ ملک اور عوام کیلئے تباہی کا نسخہ اور مہنگائی کاخطرناک سیلاب ثابت ہوگا۔

انہوں نے کہا کہ منی بجٹ ملکی معیشت کو آئی ایم ایف کا غلام بنانے کا مستند دستاویز ہے، ثابت ہوگیا ہے کہ عمران خان پاکستانی عوام کا نہیں آئی ایم ایف کا نمائندہ ہے۔

عوام کو یقین ہوگیا ہے کہ عمران خان الیکٹیڈ نہیں سلیکٹیڈ وزیراعظم ہے۔ ترجمان پی ڈی ایم کا کہنا تھا کہ

حافظ حمد اللہ نے کہا کہ ہر چیز پر ٹیکس لگ گیا اب صرف قبرستان میں قبر پر ٹیکس لگنا باقی ہے، الیکٹیڈ وزیراعظم اتنی بے دردی سے اپنے عوام کا استحصال نہیں کرسکتا۔

ترجمان پی ڈی ایم حافظ حمداللہ کا مزید کہنا تھا کہ عمران نیازی آئی ایم ایف کے سامنے سرینڈرہوکر ایمانداری کیساتھ ،ڈٹ کر لیٹ چکا ہے۔